Ian Rush: Það á ekki að reka Benitez

Liverpool-goðsögnin Ian Rush er ekki á því að það sé skynsamlegur leikur hjá Liverpool að víkja Rafa Benitez úr stóli knattspyrnustjóra þrátt fyrir afleitt gengi í upphafi tímabils.

„Liverpool er sérstakt félag, stuðningsmennirnir eru sérstakur og rétti tíminn fyrir breytingar er ekki núna. Núna er tíminn til þess að standa þétt við bak stjórans og leikmannanna," sagði Rush við Sky-fréttastofuna.

„Ég er viss um að stuðningsmennirnir muni gera það á sunnudaginn. Þá er komið að leikmönnunum að standa sig," sagði Rush en þegar hann talar þá hlusta stuðningsmenn félagsins.