Framsóknarboð Óskars á sér nokkur fordæmi

Umdeilt boð sem Óskar Bergsson, formaður borgarráðs, hélt fyrir flokkssystkini sín í nóvember á seinasta ári á sér fordæmi. Undanfarin ár hafa borgarfulltrúar annarra flokka staðið fyrir samskonar móttökum á kostnað borgarstjórnar.

Ólafur F. Magnússon, borgarfulltrúi F-listans, krafðist þess fyrir skömmu að Óskar segði af sér vegna þess sem að hann kallaði misnotkun á móttökustarfsemi. Vísaði Ólafur til þess að Óskar stóð fyrir mótttöku í Ráðhúsinu þann 14. nóvember síðastliðin fyrir 30 sveitastjórnarfulltrúa Framsóknarflokksins. Í framhaldinu frábað Óskar sér síendurtekin upphlaup Ólafs og sagði að hann hefði ekki brotið neinar reglur.

Árni, Steinunn, Stefán Jón og Vilhjálmur héldu boð fyrir flokksfélaga

Skrifstofa borgarstjóra tók nýverið saman lista yfir þær móttökur sem haldnar voru á vegum borgarstjórnar Reykjavíkur frá 1. janúar 2004 og fram til 15. febrúar 2009.

Í samantekinni kemur fram að 30 ungir sjálfstæðismenn heimsóttu Ráðhúsið í september 2004. Árni Þór Sigurðsson, þáverandi forseti borgarstjórnar, var skráður fyrir boðinu. Skömmu síðar, eða í október, hélt Árni móttöku fyrir 40 félaga sína í Vinstri grænum.

Steinunn Valdís Óskarsdóttir, þáverandi borgarstjóri, stóð fyrir boði í janúar 2005 fyrir 30 Samfylkingarkonur í Ráðhúsinu. Í maí sama hér hélt flokksbróður Steinunnar Stefán Jón Hafstein móttöku fyrir 40 flokksmenn í Samfylkingunni.

Þá hélt Vilhjálmur Þ. Vilhjálmsson, þáverandi borgarstjóri, móttöku á kostnað borgarstjórnar fyrir 25 manns í stjórnmálaskóla Sjálfstæðisflokksins í febrúar 2007.