Drogba: Gott að fara í landsleikjahléið á toppnum í deildinni

Fílabeinsstrandarmaðurinn Didier Drogba var maðurinn á bak við 2-0 sigur Chelsea á Liverpool í stórleik ensku úrvalsdeildarinnar í dag því hann lagði upp bæði mörk sinna manna með glæsilegum stoðsendingum.

„Við töpuðum á móti Wigan og því var mikilvægt að vinna þennan leik á móti liði sem mun berjast við okkur um titilinn," sagði Didier Drogba eftir leikinn en hann hefur nú gefið 6 stoðsendingar í fyrstu átta umferðum ensku úrvalsdeildarinnar.

„Taktískt séð var þetta mjög góður leikur hjá báðum liðum," sagði Drogba og bætti við: „Það verður gott að fara í landsleikjahléið með þessi þrjú stig og á toppnum í deildinni," sagði Droga.