UEFA hefur dregið leikbann Eduardo til baka

Stjórn aganefndar knattspyrnusambands Evrópu hefur ákveðið að taka til greina áfrýjun Arsenal vegna tveggja leikja banns sem framherjinn Eduardo Da Silva var dæmdur í á dögunum.

Eduardo var dæmdur í bannið fyrir leikræna tilburði sem hann sýndi í umspilsleik gegn Celtic í forkeppni Meistaradeildarinnar þegar hann fiskaði víti við litla hrifningu leikmanna og stuðningsmanna Celtic.

Eduardo er því að öllu óbreyttu löglegur í leikjum Arsenal í riðlakeppni Meistaradeildarinnar gegn Standard Liege og Olympiakos.