Vill líkjast Leo

Leikarinn Zac Efron ætlar að taka sér Leonardo DiCaprio til fyrirmyndar þegar kemur að kvikmyndaferlinum. Ástæðan er sú að DiCaprio hefur leikið í mjög fjölbreyttum myndum, sem er einmitt það sem Efron langar að gera.

„Ég fylgist mjög vel með þróuninni á ferli Leos. Hann er besti mælikvarðinn fyrir mig. Það er magnað að sjá leikara halda jákvæðni sinni ár eftir ár og einbeita sér að vinnunni í von um að standa sig sem allra best,“ sagði hinn 22 ára Efron, sem sló í gegn í High School Musical-myndunum. Efron hefur einnig mikinn áhuga á að leika í James Bond-mynd í framtíðinni.

„Ég er mikill James Bond-aðdáandi. Ég væri til í að leika illmennið. Ég hef séð eiginlega allar Bond-myndirnar og Sean Connery er í mestu uppáhaldi.“