Unnið að nýjum Icesave-fyrirvörum í kvöld

Nefnarmenn í fjárlaganefnd ætla að funda til þrautar í kvöld um Icesave frumvarpið. Unnið er að nýjum fyrirvara við málið.

Fjárlaganefnd Alþingis hefur setið á fundi frá klukkan tíu í morgun og er jafnvel búist við að hún fundi fram á kvöld eða nótt. Nefndin ætlar að funda til þrautar til að ljúka vinnu sinni og senda málið til þriðju umræðu á Alþingi.

Heimildir fréttastofunnar herma að nefndin ætla enn að bæta við fyrirvörum við frumvarp um ríkisábyrgð vegna Icesave reikninga Landsbankans. Það er tryggingasjóður innistæðueigenda og fjárfesta sem í reynd fær lán frá Bretum og Hollendingum.

Eftir því sem fréttastofa kemst næst, á að bæta fyrirvara um lánasamning sjóðsins, um að bæði Hollendingar og Bretar fallist á alla aðra fyrirvara sem Alþingi hefur gert við að íslenskir skattgreiðendur ábyrgist lánið.