Slapp við að vera hýdd fyrir bjórdrykkju

Yfirvöld í Malasíu hafa óvænt ákveðið að láta lausa úr haldi fyrirsætuna Kartiku Shukarno sem á dögunum var dæmd til að hljóta sex vandarhögg fyrir að fá sér bjórglas á almannafæri.

Málið hafði vakið mikla athygli í landinu en konan var dæmd eftir Sharia lögum sem múslimar einir þurfa að fara eftir en ekki önnur þjóðarbrot í landinu.

Amnesty International hafði meðal annars hlutast til um mál hennar og skorað á stjórnvöld að hætta við refsinguna sem fara átti fram í morgun en henni var sleppt rétt áður en til þess kom.