Ráðning Levein staðfest: Draumur að rætast

Craig Levein var í kvöld staðfestur sem nýr landsliðsþjálfari. Útlit var fyrir að fresta þyrfti blaðamannafundinum þar sem Levein komst ekki langt vegna ófærðar.

Hann komst þó að lokum á Hampden Park þar sem hann hitti mennina sem munu gera honum lífið leitt á næstu mánuðum taki skoska landsliðið ekki við sér en undir stjórn George Burley gat liðið ekkert og vann nánast aðeins íslenska landsliðið.

Levein skrifaði undir tveggja og hálfs árs samning við skoska knattspyrnusambandið. Hann tjáði blaðamönnum að gamall draumur væri að rætast.

„Sem stoltur stuðningsmaður skoska landsliðsins þá er það svo sannarlega draumur að taka við þjálfun liðsins," sagði Levein sem áður þjálfaði lið Dundee United