Kryddpíur fullar um jólin

Emma Bunton lýsti því yfir í samtali við Daily Express að um hver jól safnist kryddstúlkurnar saman heima hjá Victoriu og David Beckham, drekki slatta af víni og borði góðan mat. Þau syngi síðan með gömlum Spice Girls-slögurum.

„Ég trúi því ekki að ég hafi viðurkennt þetta,“ sagði Emma í viðtalinu.

Stúlkurnar hafa eytt töluvert meiri tíma saman nú en oft áður enda eru þær í óða önn að undirbúa söngleik sem byggist á lögum sveitarinnar og mun heita Viva Forever. Reiknað er með að söngleikurinn verði frumsýndur 5. nóvember á næsta ári en hann mun innihalda fjórtán af vinsælustu lögum Spice Girls.