Hatar jólin

Ozzy Osbourne verður seint sakaður um að vera jólabarn. Hann segir bestu jólin hafa verið árið 2003 en þá lá hann meðvitundar­laus á spítala eftir mótorhjólaslys. Í viðtali við breska fjölmiðla segist Ozzy hreinlega hata jólin og jafnvel gjafir frá eiginkonunni Sharon hjálpi lítið til.

„Ef ég vil missa af jólunum aftur þá fer ég bara aftur á hjólið mitt og brýt á mér hálsinn," sagði þessi geðþekki rokkari.

Ozzy, sem er loksins hættur að drekka, segir að á árum áður hafi jólin verið ágætis afsökun til að detta í það og vera fullur í tvær vikur. „Ég er ekki hrifinn af því að opna gjafir, þvílík sóun á gjafapappír," sagði Ozzy.