Al-Fahim að leitast við að selja Portsmouth strax?

Þrátt fyrir að Portsmouth hafi loks landað sínum fyrsta sigri í átta tilraunum í ensku úrvalsdeildinni um helgina virðist óvissan utan vallar, varðandi eignarhald félagsins engan endi ætla að taka.

Nú lítur út fyrir að eigandinn Sulaiman Al-Fahim, sem keypti félagið í ágúst, ætli að reyna að selja það strax.

„Hann býðst við því að fá kauptilboð í sinn hlut í félaginu í dag," sagði Ivo Gabara, talsmaður Al-Fahim í samtali við breska fjölmiðla í dag.

Kaupsýslumaðurinn Ali Al-Faraj frá Sameinuðu arabísku furstadæmunum mun vera sá aðili sem sé tilbúinn að kaupa Al-Fahim út úr félaginu.