Mel afskiptalaus faðir

Oksana Grigorieva, kærasta stórleikarans Mels Gibson, er ósátt við það hversu lítinn tíma Gibson eyðir með dóttur þeirra. Parið eignaðist sitt fyrsta barn saman í nóvember og stuttu síðar sagði Oksana í viðtali við Hello! að Gibson væri hinn fullkomni maki og faðir. En nú er tíðin önnur því Oksönu þykir Gibson ekki standa í stykkinu.

„Hann býr ekki í sömu íbúð og Oksana og barnið og það líða oft margir dagar á milli heimsókna. Þegar hann lítur inn er hann ekki að aðstoða Oksönu við uppeldið. Hann segist ekki vera að ala Luciu upp á annan hátt en hin börn sín og viðurkenndi að Robyn, fyrrum eiginkona hans, hafi alfarið séð um uppeldið," var haft eftir vini Oksönu.