Ívar í byrjunarliði Reading

Ívar Ingimarsson er í byrjunarliði Reading í fyrsta sinn síðan í janúar síðastliðnum en hann hefur átt við þrálát meiðsli að stríða.

Leikur Reading og Watford hófst núna klukkan 14.00 í ensku B-deildinni en Gylfi Már Sigurðsson er einnig í byrjunarliði Reading í dag eins og í síðustu leikjum. Brynjar Björn Gunnarsson er á bekknum.

Heiðar Helguson er vitanlega ekki í liði Watford í dag þar sem hann á við meiðsli að stríða.

Emil Hallfreðsson er ekki í leikmannahópi Barnsley sem mætir leikur við QPR á útivelli í sömu deild og Aron Einar Gunnarsson er á varamannabekk Coventry sem leikur við Middlesbrough.

Sex leikir hófust á sama tíma í ensku úrvalsdeildinni. Jóhannes Karl Guðjónsson er í byrjunarliði Burnley sem mætir Tottenham en Grétar Rafn Steinsson er á bekknum hjá Bolton sem leikur gegn Birmingham á útivelli í dag.

Einn Íslendingur er í eldlínunni í ensku C-deildinni. Ármann Smári Björnsson er á varamannabekk Hartlepool sem mætir Walsall á heimavelli.