Á batavegi eftir vinnuslys í Krónunni

Konan sem slasaðist í vinnuslysi við kjötborð í Krónunni í gær er á batavegi, samkvæmt upplýsingum frá Ólafi R. Þórhallssyni, verslunarstjóra hjá Krónunni í Lindarhverfi.

Hann segir að konan, sem er á þrítugsaldri, hafi fest fjóra fingur í snitzelvél með þeim afleiðingum að þeir brotnuðu allir og einn þeirra þríbrotnaði. „Hún er núna komin heim, fór heim af spítalanum í gær," segir Ólafur. Hann segir að líðan konunnar sé góð í dag. Hún sé með fulla hreyfingu í öllum puttum og fulla tilfinningu í þeim. „Höndin er vafin inn í gifs og hún verður frá vinnu í einn til einn og hálfan mánuð," segir Ólafur.

Snitzel vélar eru notaðar til þess að laga kjöt og gera það meyrara þannig að úr verði snitzel.