Michael Carrick: Við treystum allir Ferguson

Michael Carrick segir allir leikmenn Manchester United treysti og beri virðingu fyrir ákvörðunum stjórans Alex Ferguson. Carrick, sem hefur aðeins byrjað tvo leiki á tímabilinu,var hetja liðsins á miðvikudagskvöldið þegar hann skoraði sigurmarkið á móti Þýskalandsmeisturum Wolfsburg í Meistaradeildinni.

„Þó að þú situr á bekknum í einn eða tvo leiki þýðir það ekkert að þú sért ekki lengur í náðinni hjá stjóranum. Þetta er bara leið hans í að halda öllum ferskum út langt tímabil, segir Carrick.

„Auðvitað verður maður pirraður að sitja mikið á bekknum en maður treystir bara stjóranum. Ég vil að sjálfsögðu spila alla leiki en þetta er langt tímabil og þú þarft að vera þolinmóður," sagði Carrick.

„Ef maður lítur yfir leikmannahópinn okkur þá sér maður marga góða leikmenn og það er því ljóst að enginn er að fara að spila alla leiki. Ég hef verið hér það lengi að ég veit hvernig hlutirnir ganga fyrir sig," sagði Carrick og bætti við:

„Við treystum allir stjóranum í því hvaða lið hann velur og hvaða leikaðferð hann notar. Á meðan okkur gengur vel og við náum árangri í lok tímabilsins þá eru allir ánægðir," sagði Carrick.