Robbie Keane trúir því að Tottenham endi meðal fjögurra efstu

Robbie Keane er sannfærður um að Tottenham geti komist í hóp fjögurra efstu liðanna í ensku úrvalsdeildinni á þessu tímabili. Tottenham hefur byrjað tímabilið vel og er sem stendur í 4. sæti deildarinnar. Tottenham mætir Bolton um helgina.

„Við vitum að við getum komist í Meistaradeildina á næsta tímabili," sagði Robbie Keane sem skorað fernu í sigri á Burnley um síðustu helgi.

„Þegar þú sérð Chelsea tapa á móti Wigan þá veistu að þetta verður eitt af þessum tímabilum þar sem allt getur gerst. Það eru lið sem geta unnið alla eins og við sýndum með því að vinna Liverpool á heimavelli. Við verðum bara að halda áfram og reyna komast eins hátt upp í stigatöflunni og mögulegt er," sagði Robbie Keane.

„Við erum með einn besta hópinn sem hefur verið hér í minni tíð og ofan á góðan mannskap þá erum við komnir með sjálfstraust eftir marga góða sigra. Þetta er langt tímabil og allir þurfa að leggja til liðsins á einhverjum tímapunkti á tímabilinu," sagði Robbie Keane sem býst við erfiðum útileik á móti Bolton um helgina.