Barnaspítali Hringsins fékk nýjar tölvur

Grunnskólinn á Barnaspítala Hringsins hefur fest kaup á fimm Dell fartölvum og tveimur borðtölvum fyrir styrk frá kvenfélaginu Hringnum. Í tilkynningu frá Landspítalanum kemur fram að tölvunotkun hafi aukist mjög í öllu skólastarfi og því komi þessi styrkur skólanum mjög vel. Nemendur geti fengið fartölvur til afnota meðan á sjúkrahúsdvöl stendur.

Grunnskólinn á barnaspítalanum er rekinn í samstarfi við Austurbæjarskóla. Skólinn starfar á þeim tíma árs sem kennsla er í almennum skólum. Flestir nemendur koma af deildum Barnaspítala Hringsins en auk þess sinnir grunnskólinn börnum frá Landspítala Grensási, Róðrinu og húðdeild spítalans.