Unglingar í vanda

Myndirnar Final Destination og Bandslam verða frumsýndar um helgina. Final Destination er fjórða myndin í seríunni. Í henni eru Nick og vinir hans að horfa á kappakstur þegar Nick fær fyrirboða um óhugnanlegt slys.

Honum tekst að sannfæra tólf aðra um að yfirgefa svæðið í tæka tíð fyrir slysið. En Dauðinn lætur ekki svíkja sig um nýjar sálir og krakkarnir eru nú hundeltir af honum.

Önnur unglingamynd, Bandslam, fjallar um lúðann Will Burton sem vingast við hina vinsælu Charlotte Banks. Hún leyfir honum að gerast meðlimur í hljómsveit hennar, en hún gerir það til að hefna sín á fyrrverandi kærasta sínum.