Lyfjakostnaður jókst um 32% vegna gengishruns

Lyfjakostnaður sjúkratrygginga nam 9.287 milljónum króna árið 2008 og jókst um 2.233 milljónir króna eða um 32% frá fyrra ári. Samkvæmt upplýsingum frá Sjúkratryggingum Íslands er helsta ástæðan fyrir aukningu í kostnaði fall íslensku krónunnar gagnvart erlendum gjaldmiðlum en verð stærsta hluta lyfja er skráð í erlendri mynt.

Kostnaður hefur aukist mest vegna lyfja við sársjúkdómi og maga- og vélindisbakflæði, eða um 203 milljónir króna. Kostnaður vegna magalyfsins Nexium nam 554 milljónum króna árið 2008 sem er aukning um 129 milljónir króna frá fyrra ári. Kostnaður hefur einnig aukist mjög vegna lyfja í flokki tauga- og geðlyfja svo sem flogaveikilyfja, þunglyndislyfja, lyfja við ofvirkni og geðrofslyfja.