Vændiskonur umkringja lögreglustöðina

Þrjár vændiskonur halda til í íbúð við Rauðaárstíg í miðborg Reykjavíkur en Stöð 2 sagði frá því í síðustu viku að annað vændishús væri hinu megin við lögreglustöðina, það er að segja við Hverfisgötu 105.

Fréttamaður vísis kom sér í samband við hina brasilísku Samönthu sem kom hingað til lands frá Spáni. Hún sagðist halda til í íbúð við Rauðarárstíg þar sem hún iðkar sína kúnst. Þegar hún var spurð hvort hún tengdist Catalinu Ncogo, sem var grunuð um að reka vændishúsið við Hverfisgötu, sagðist Samantha ekki kannast við hana. Því er um tvö aðskilin vændishús að ræða.

Samantha auglýsti þjónustu sína á vefnum einkamál.is en auglýsingin var fjarlægð stuttu eftir að hún kom inn. Það sama átti við vinkonur hennar. Þegar rætt var við Samönthu kom í ljós að klukkutíma þjónusta með henni kostar tuttugu þúsund krónur.

Samkvæmt heimildum Vísis þá gerir Samantha út sína kynlífsþjónustu við Rauðarárstíg 5.