Benitez: Liverpool mun koma til baka á móti Chelsea

Rafael Benitez, stjóri Liverpool, er sannfærður um að sínir menn nái að bæta fyrir ófarirnar í Meistaradeildinni í gær þegar liðið mætir Chelsea á sunnudaginn. Liverpool-liðið var eins og áhorfandi í fyrri hálfleik í 0-2 tapinu á móti Fiorentina í gær

„Ég man ekki svona slakri frammistöðu hjá liðinu og við munum aldrei spila svona illa aftur," sagði Rafael Benitez eftir leikinn. Framundan er stórleikur á móti Chelsea í ensku úrvalsdeildinni á Brúnni á sunnudaginn

„Við verðum allt annað lið í þeim leik og vonandi getum við séð það Liverpool-lið sem spilaði seinni hálfleikinn á móti Fiorentina. Ég veit að við spilum betur og að við munum koma til baka í þeim leik," sagði Rafael Benitez.

„Við ræddum um það í hálfleik hvað við vorum að geta vitlaust og hvar við þyrftum að bæta okkur. Við vorum að nota sömu leikmenn í báðum hálfleikjum en hugarfarið var allt annað," sagði Benitez.