Strachan að taka við Boro

Fastlega er búist við því að enska B-deildarfélagið Middlesbrough muni tilkynna fyrir helgi að Gordon Strachan hafi tekið við liðinu.

Hann tekur við starfinu af Gareth Southgate sem var rekinn fyrir tveim dögum síðan.

Boro á að spila gegn Preston um helgina og er talið ólíklegt að Strachan verði þá á hliðarlínunni en hann mun líklega fylgjast með úr stúkunni.

Hinn 52 ára gamli Strachan yfirgaf herbúðir Celtic í maí síðastliðnum eftir að hafa gert þar góða hluti. Þar áður stýrði hann Coventry og Southampton.