Ferguson fannst mikið til Akinfeev koma

Alex Ferguson, knattspyrnustjóri Manchester United, lýsti yfir hrifningu sinni á Igor Akinfeev, markverði CSKA Moskvu, eftir leik liðanna á miðvikudagskvöldið.

United vann 1-0 sigur á CSKA í Meistaradeildinni en leikurinn fór fram í Moskvu.

Akinfeev hefur lengi verið orðaður við Manchester United en Ferguson virtist einnig hrifinn af miðvallarleikmanninum Milos Krasic frá Serbíu.

„Það er engin spurning að Krasic skapaði ákveðinn usla. Hann er mjög hæfileikaríkur leikmaður," sagði Ferguson í samtali við Manchester Evening News.

„Mér fannst líka markvöðurinn framúrskarandi. Hann var mjög góður."