Tevez mun framvegis fagna mörkum sínum gegn United

Carlos Tevez segir að hann hafi skipt um skoðun og að hann ætli framvegis að fagna þeim mörkum sem hann eða félagar hans í Manchester City skori í leikjum gegn Manchester United.

Tevez skoraði tvívegis fyrir Manchester City gegn West Ham nú á dögunum en hann fagnaði ekki þeim mörkum þar sem hann lék með West Ham á sínum tíma. Hann hefur áður sagt að það myndi hann heldur ekki gera í leikjum gegn United.

„Ég ákvað að fagna ekki mörkum mínum þar sem ég ber mikla virðingu fyrir West Ham. Það var fyrsta félagið mitt í Englandi og hluti af mér verður ávallt stuðningsmaður West Ham."

„Ég var virkilega ánægður með mín fyrstu tvö mörk á heimavelli en ég hefði gjarnan viljað að við hefðum unnið annað lið."

„Ég ákvað einnig að fagna mörkum okkar gegn United í leiknum um daginn en eftir þar slæmu móttökur sem ég fékk hjá stuðningsmönnum félagsins hef ég skipt um skoðun."

„Ef ég skora í næsta leik okkar gegn United mun ég örugglega fagna því marki."