Pólitísk endalok Jóhönnu

Björn Bjarnason, fyrrverandi ráðherra, telur brotthvarf Ögmundar Jónassonar sem heilbrigðisráðherra vera ótvírætt vantraust á hæfileika Jóhönnu Sigurðardóttir, forsætisráðherra og formann Samfylkingarinnar. Björn telur að nú sé komið að pólitískum endalokum Jóhönnu.

„Brottför Ögmundar er ótvírætt vantraust á hæfileika Jóhönnu til að leiða ríkisstjórnina. Steingrímur J. Sigfússon telur sig örugglega betur til þess fallinn að leiða ríkisstjórnina en Jóhönnu," segir Björn í pistli heimasíðu sinni.

„Líklegt er, að afsögn Ögmundar sé ekki aðeins upphafið að endalokum ríkisstjórnar Jóhönnu heldur einnig formennsku hennar í Samfylkingunni."