Gerrard: Vil gjarnan fara í þjálfun

Steven Gerrard, fyrirliði Liverpool, segir að hann vilji gjarnan gerast knattspyrnuþjálfari þegar að leikmannaferli hans lýkur.

Gerrard er þó ekki nema 29 ára gamall og á því enn mörg ár eftir í boltanum sem leikmaður.

„Ég hef oft verið spurður hvað ég vil gera þegar ég hætti sem leikmaður og ég vildi gjarnan gerast þjálfari," sagði Gerrard í samtali við enska fjölmiðla.

„En ég veit ekki hvort ég gæti ekki verið jafn góður og þessir menn sem eru í þessum bransa. Þeir hugsa um ekkert annað en fótbolta allan daginn. Ég held að ég hafi aldrei rætt við Rafa Benitez um annað en fótbolta."

„Ég vil gjarnan hugsa um eitthvað annað. Ég á tvær dætur og finnst gaman að spila golf."

Hann segir þó að liðsfélagi sinn, Jamie Carragher, gæti sinnt þessu starfi vel. Carragher lýsti því yfir fyrir stuttu að hann myndi vilja gerast stjóri Liverpool einn daginn. „Jamie Carragher væri án nokkurs vafa góður í þessu starfi."