Átta sýna í Havarí

Átta myndlistarmenn eiga verk á nýrri myndlistarsýningu sem verður opnuð í Gallerí Havarí í Austurstræti í dag klukkan 15. Sýningin stendur yfir til 3. desember. „Þetta er önnur sýningin sem við höldum og þetta gallerí hefur komið mjög vel út,“ segir Svavar Pétur Eysteinsson í Havarí.

Listamennirnir sem eiga verk á sýningunni eru: Hildigunnur Birgisdóttir, Einar Örn Benediktsson, Magnús Helgason, Lilja Birgisdóttir, Sara Riel, Ingvar Högni Ragnarsson, Inga María Brynjarsdóttir og Gylfi Sigurðsson. Einar Örn mun sýna teikningar sínar en hann hefur í gegnum árin teiknað á flestar kápur utan um bækur Braga Ólafssonar, félaga síns úr Sykurmolunum.- fb