Segir Guðlaug brjóta trúnað

Stjórnarformaður Orkuveitu Reykjavíkur braut trúnað þegar að hann dró fram upplýsingar um samningaviðræður við Norðurál sem ræddar voru á stjórnarfundi Orkuveitunnar á föstudag fyrir viku, segir Þorleifur Gunnlaugsson, fulltrúi VG, í stjórn Orkuveitunnar.

Guðlaugur Sverrisson, stjórnarformaður Orkuveitunnar, sagði í fréttum Stöðvar 2 á miðvikudagskvöld að Orkuveitan sæi fram á hundruð milljóna króna kostnaðarauka vegna tafa á Helguvíkurverkefninu, óvissu um Suðvesturlínur og orkuskatta sem valdi því að Orkuveitan geti ekki staðfest pöntun á Mitzubishi-aflvélum frá Japan og vildi mæta þeim kostnaði með hærra orkuverði frá Norðuráli.