Sol Campbell hættur hjá Notts County

Fréttastofa Sky Sports fullyrðir að Sol Campbell sé hættur hjá enska D-deildarfélaginu Notts County eftir að hann hafi spilað aðeins einn leik með félaginu.

Campbell er 35 ára gamall og kom mörgum á óvart þegar hann skrifaði undir fimm ára samning við Notts County. Samningur hans við Portsmouth rann út í sumar.

Enskir fjölmiðlar greindu frá því í morgun að Campbell hafi beðið forráðamenn Notts County um að leysa hann undan samningi sínum við félagið.

Campbell spilaði með Notts County um helgina er liðið tapaði fyrir Morecambe.

Hann mun hafa kvatt liðsfélaga sína á æfingu í gær.