Al-Fahim: Portsmouth liggur ekkert á að kaupa nýja leikmenn

Al-Fahim, nýi eigandi enska úrvalsdeildarliðsins Portsmouth, segir ekkert liggja á að kaupa nýja leikmenn til félagsins og ætlar að jafnvel að bíða þar til í sumar áður en hann fer að styrkja liðið. Portsmouth hefur tapað sex fyrstu leikjunum og verður með sama áframhaldi orðið b-deildarlið næsta sumar.

„Það verður að gera hlutina á sínum rétta hraða og forgangsverkefnið er að búa til gott skipulag á starfsemi félagsins svo við getum gert alvöru hluti í framtíðinni," sagði Sulaiman al-Fahim í viðtalið við spænska blaðið Marca.

Al-Fahim er fjárfestir frá Sameinuðu arabísku furstadæmunum og keypti Portsmouth í síðasta mánuði. Hans hugmyndafræði er að byggja upp gott yngri flokka starf og framleiða framtíðarfótboltaleikmenn félagsins i anda Arsenal og Barcelona.

Hermann Hreiðarsson hefur ekkert getað spilað með Portsmouth vegna meiðsla og liðið þarf augljóslega á liðstyrk enda hefur ekkert lið byrjað verra í ensku deildinni síðan Leicester City árið 1983.