City mun ekki refsa Bellamy

Manchester City mun ekki refsa Craig Bellamy sérstaklega fyrir að að hafa slegið til áhorfanda í leik liðsins gegn Manchester United um helgina.

Lögreglan í Manchester og enska knattspyrnusambandið eru hins vegar bæði að rannsaka atvikið og ekki útilokað að Bellamy verði dæmdur í leikbann.

Mark Bowen, aðstoðarknattspyrnustjóri City, taldi ekki þörf á því að félagið myndi refsa Bellamy.

„Að mínu mati taldi Bellamy að náunginn ætlaði að hrækja á sig eða eitthvað álíka," sagði Hughes. „Hann kom mjög nálægt honum. Craig ýtti honum frá sér með opnum lófa."

Mark Hughes hefur einnig komið Bellamy til varnar. „Ég sá ekki hvað gerðist en þessi maður hefði ekki átt að vera inn á vellinum. Það er óásættanlegt."