Bendtner keyrði útaf - eyðilagði bílinn en slapp með skrámur

Nicklas Bendtner slapp ótrúlega vel þegar hann klessukeyrði Aston Martin bílinn sinn á hraðbraut í gær. Bendtner var á hraðferð á æfingu hjá Arsenal-liðinu þegar hann keyrði útaf og eyðilagi bílinn sinn sem kostar um 24 milljónir íslenskar krónur. Danski landsliðsmaðurinn stóð upp úr flakinu með nokkrar skrámur en hjartað væntanlega í buxunum.

Bendtner var líklega á bilinu 160 til 260 kílómetrahraða þegar hann missti stjórn á bílnum og keyrði útaf hraðbrautinni. Hámarkshraðinn á slíkum hraðbrautum í Englandi er 180 km á klukkustund. Það er því nokkuð ljóst að Bendtner hefði auðveldlega getað drepið sig eða endað fótboltaferillinn hefði hann ekki haft heppnina með sér.

Bendtner keypti sér nýverið lúxus-íbúð í Hertfordshire en hann er þriðji leikmaðurinn í ensku úrvalsdeildinni sem sleppur ótrúlega vel eftir bílslys á þessu ári. Hinir eru David Bentley (Porsche) hjá Tottenham og Cristiano Ronaldo (Ferrari) þá hjá Manchesyter Unitred.