Tjáir sig ekki við fjölmiðla

Spænska leikkonan Penelope Cruz gerir hvað hún getur til að halda fjölmiðlum fjarri ástarsambandi sínu með leikaranum Javier Bardem. Hún óttast að sambandið versni um leið og hún fer að tjá sig opinberlega.

„Allir vita að ég er í sambandi. Ég vil ekki tala um það vegna þess að ég vil vernda það því þetta samband skiptir mig miklu máli. Svo einfalt er málið," sagði Cruz. Talið er að hún hafi þegar trúlofast Bardem en hún vill ekkert segja um hringinn sem hún ber á baugfingrinum. „Það er eitthvað sem ég vil halda fyrir sjálfa mig." Talið er að Cruz og Bardem hafi byrjað saman eftir tökur á myndinni Vicky Cristina Barcelona árið 2007.