Rhys Ifans og dóttir Rod Stewart saman daglega

Þá er það opinbert að leikarinn Rhys Ifans hittir dóttir Rod Stewart, Kimberly, daglega en að sögn breskra fjölmiðla er hann allur að koma til eftir erfið sambandsslitin við leikkonuna Siennu Miller.

Síðustu helgi sáust Rhys og Kimberly yfirgefa saman næturklúbb í miðborg Lundúna svo að lítið bæri á að sögn viðstaddra. Hún virðist hafa góð áhrif á leikarann sem hefur leitað huggunar undanfarið með drykkju og látum.

Kimberly Stewart, sem er 28 ára, er þekkt fyrir að sækja helstu næturklúbba Bretlands en hún hefur undanfarið átt vingott við leikarann Jude Law sem átti einnig í ástarsambandi við Siennu Miller.