Nennir ekki í ræktina

,,Stuttu eftir að ég átti Beau fannst mér kominn tími til að syngja með stelpunum," er haft eftir Emmu Bunton, 32 ára, sem er þekkt fyrir að vera ein af bresku stelpunum í hljómsveitinni Spice Girls í tímaritinu Red magazine.

,,Svona eftir á að hyggja hefði ég betur hugsað mig örlítið lengur um þó ég hafi skemmt mér rosalega vel að túra með bandinu því það var erfitt. Það er erfitt fyrir nýbakaðar mæður að fara strax út á vinnumarkaðinn eftir barnsburð."

,,Ég nenni ekki að hanga í ræktinni 24 tíma á dag. Ég vil frekar eyða tímanum með barninu mínu. Svo er ég mjög sátt við líkama minn og að vera með mjúkar línur."