Endurgera slagara Páls Óskars

„Ég er þessa dagana að endurgera nokkur lög af fyrstu sólóplötunni hans Páls Óskars," svarar Örlygur Smári lagahöfundur þegar Vísir spyr hann frétta.

„Þetta efni verður á væntanlegri plötu sem hann ætlar að gefa út í tilefni af 15 ára starfsafmæli sínu. Lögin sem ég er að vinna verða líka flutt á risatónleikum sem hann ætlar að halda af sama tilefni í haust."

„Lag af þessari plötu mun svo vonandi fara í spilun í júlí, eða um leið og Palli verður búinn að syngja það inn hjá mér og hljóðblöndun verður lokið."