Angelina veitir klámdrottningu innblástur

Angelina Jolie hefur tekist á undraverðan hátt að breyta ímynd sinni frá því að vera uppáhalds vandræðabarn Hollywood, yfir í að vera einhverskonar kynþokkafull og barnmörg útgáfa af móður Teresu. Þetta vill klámmyndaleikkonan Jenna Jameson nú leika eftir.

Jenna sagði í viðtali við Us tímaritið að líkt og Angelina ætlaði hún að sleppa hjónabandi og einbeita sér frekar að því að hrúga niður börnum. „Ég vil feta í fótspor Angelinu," sagði leikkonan. Hún bætti við að hún og kærastinn Tito Ortiz væru að reyna að búa til börn, og að tvö fyrri hjónabönd hennar hefðu kennt henni að hjónabandið væri bara „pappírssnifsi."