Nú þegar kortér er síðan fundur borgarráðs átti að hefjast eru hvorki Ólafur F. Magnússon borgarstjóri né Hanna Birna Kristjánsdóttir, oddviti sjálfstæðismanna, mætt. Júlíus Vífill Ingvarsson, varamaður Hönnu Birnu, í ráðinu var hins vegar mættur á fundinn. Ólafur F. Magnússon hefur jafnan setið fundi ráðsins sem borgarstjóri þótt hann hafi ekki atkvæðisrétt.
Dagur B. Eggertsson, borgarfulltrúi Samfylkingarinnar, sagði í samtali við fréttamenn í Ráðhúsinu fyrir fundinn að hann spyrði sig hvort verið væri að beita klækjastjórnmálum í Ráðhúsinu en þau hefðu aldrei gefist vel.
Fundur í borgarráði hófst klukkan hálftíu en fyrir hann hittust bæði meirihluti og minnihluti á fundum. Um var að ræða hefðbundinn undirbúningsfund minnihlutans í borginni og eftir hann þvertók Óskar enn fyrir að hann hefði átt í þreifingumvið sjálfstæðismenn um meirihlutasamstarf.
Hann viðurkenndi þó að menn innan Sjálfstæðisflokksins og Framsóknarflokksins, sem standa utan borgarstjórnar, hefðu rætt saman. Aðspurður sagðist Óskar ekki getað sagt neitt um framhald mála.
