Ekki blankur!

Eyrnagóði boxarinn Evander Holyfield er mikið í mun að koma fólki í skilning um að hann sé ekki blankur. Undanfarið hafa birst fréttir þess efnis að Holyfield eigi í fjárhagsvandræðum. Hann segir svo ekki vera.

Nýlega bárust fréttir að því að 109 herbergja heimili hans væri á leið á uppboð. Einnig sögðu blöðin frá því að hann skuldaði meðlög með börnum sínum.

Holyfield segir þetta af og frá og honum sé mikið í mun að annast börnin sín.

"Ég er ekki blankur. Ég er bara ekki eins ríkur og áður. Mér líður bara illa því hlutirnir hafa alltaf verið mjög jákvæðir gagnvart mér, en núna vilja allir ráðast á mig og segja mig verstu manneskju í heimi og að ég hafi eytt öllum peningunum mínum."