Kelsey Grammer á batavegi

Kelsey Grammer, sem þekktastur er fyrir leik sinn í sjónvarpsþáttunum Frasier og Cheers, var fluttur fyrir tæpri viku spítala. Hann er nú á batavegi.

Talsmaður leikarans segir að Grammer sé komin heim til sín og honum líði vel. Hann býr ásamt eiginkonu sinni Camille á Hawaii.

Grammer hafði þá verið á batavegi eftir að hann hann fékk hjartaáfall í byrjun júní. Í seinustu viku veiktist hann þegar hann var að kynna nýjustu kvikmynd sína Swing Vote. Hann var í kjölfarið fluttur á spítala.

Í Swing Vote leikur Grammer Andrew Boone, forseta Bandaríkjanna, sem sækist eftir endurkjöri. Meðal leikara í myndinni, sem verður frumsýnd síðar á árinu, eru Kevin Costner, Paula Patton, Dennis Hooper, Nathan Lane, Stanley Tucci og George Lopez.