Heidi reynir að fita Victoriu

Heidi Klum færði vinkonu sinni Victoriu Beckham nokkuð óvenjulega afmælisgjöf á dögunum, en fyrirsætan pantaði ársbirgðir af sætabrauði fyrir kryddstúlkuna grannvöxnu.

Hvern föstudag eru tólf dýrindis kökur sendar á heimili Beckham hjónanna í Los Angeles. Victoria er að sögn Female First himinlifandi með gjöfina, og hlakkar öll fjölskyldan til sendinganna.

Það er þó ekki bara innri nammigrís Victoríu sem gleðst. Samkvæmt heimildamanni blaðsins er tilgangur gjafarinnar að bæta smá kjöti á bein hinnar grindhoruðu Posh. Hana langar mikið í enn eitt barnið, og þarf að bæta á sig vilji hún verða ófrísk.