Beggi sár út í Séð og heyrt

Vísir hafði samband við Guðberg Garðarsson betur þekktan sem Begga og spurði hvernig hann og Pacas undirbúa sig fyrir atriðið sem þeir verða með í Gay pride göngunni.

„Ég er þér að segja í sjokki. Ég var að ná í vörur í Hagkaup fyrir undirbúninginn fyrir Gay pride þar sem ég sé forsíðu Séð og heyrt. Þetta er algjört bull og vitleysa," segir Beggi um frétt á forsíðu nýjasta tölublaðs Séð og heyrt þess efnis að mánaðarlaun hans nemi yfir milljón krónur.

„Ég gæti sýnt þér launaseðilinn minn en ég var með 200 þúsund krónur á mánuði á síðasta ári. Þetta er algjört bull."

Undirbúningur fyrir Gay pride

„Við verðum í regnbogans litum. Afródíta og blanda af fjölskylduþema. Allir litir sem tákna fjölda þjóða eins og Írland, Pólland, Brasilía og Ísland. Þetta er bara mannkærleikurinn og sameining þjóða. Svona kærleiksþema þar sem vinir okkar og fjölskylda eru með okkur í atriðinu."

„Meira að segja ein dóttir mín sem býr í London kemur deginum fyrir Gay

pride til að vera með en burtséð frá því er ég í sjokki yfir forsíðu Séð og heyrt," segir Beggi sár.