Sjálfsöryggi og þjálfun lykill að sigri, segir Heiðar Jónsson

„Ég horfði á keppnina í nótt og enn og aftur er það sjálfsöryggið og þjálfunin í því að koma fram á sviði sem gildir," segir Heiðar Jónsson þegar Vísir spyr hvaða kosti sigurvegarinn þurfi að hafa til að sigra í keppni eins og Miss Universe.

„Miss Universe er mesta sjónvarpskeppnin af þessum stóru alheimskeppnum."

Talið er að um milljarður manna hafi horft á keppnina í beinni útsendingu.

Mendoza sagði meðal annars í þakkarræðu sinni að hún hefði eitt sinn verið fórnarlamb mannræningja og það hefði kennt henni að halda ró sinni við erfiðar aðstæður.