Besta vinkona Twain hélt við eiginmanninn

Kanadíska sveitasöngkonan Shania Twain og eiginmaður hennar, upptökustjórinn Robert „Mutt" Lange, eru skilin eftir fjórtán ára hjónaband.

Söngkonan þarf ekki aðeins að takast á við erfiðleikana sem fylgja skilnaðinum heldur neyðist hún til að horfast í augu við þá staðreynd að náin vinkona hjónanna, Marie-Annie Thiébaud, sem starfaði fyrir hjónakornin í mörg ár, var hjákona mannsins hennar.

Shania er aðeins 42 ára en fyrrverandi eiginmaður hennar, Lange, er sautján árum eldri. Þau giftust árið 1993 og eiga sex ára son sem heitir Eja. Söngkonan er þekktust fyrir lögin Man! I Feel Like A Woman og You"re Still the One.