Umferð um Þrengslin gengur vel

Umferð um Þrengslin gengur vel en Hellisheiðin er enn lokuð. Að sögn lögreglunnar á Selfossi eru snjómosktursbílar byrjaðir að moka heiðina en ekki liggur fyrir hvenær hún verður opnum.

Fram kemur í tilkynningu Vegagerðarinnar að hálka sé þó Þrengslunum en þar hafa ekki orðið óhöpp í morgun. Á Reykjanesbrautinni er einnig hálka.

Á Vestfjörðum er ennþá mikil ófærð en mokstur stendur yfir á flestum leiðum. Búið er að opna Óshlíðina en vegfarendur eru beðnir um að fara varlega. Snjóþekja og éljagangur er á Steingrímsfjarðarheiði. Ófært er enn í Ísafjarðardjúpi en unnið er að mokstri. Snjóþekja og skafrenningur er á Kleifaheiði og á Hálfdán.

Á Norðurlandi er hálka eða snjóþekja á öllum leiðum ásamt skafrenning á stöku stað. Hálka og skafrenningur er á Öxnadalsheiði. Lágheiði er ófær. Á Norðaustur- og Austurlandi er hálka eða hálkublettir. Öxi og Breiðdalsheiði eru ófær.