Röskva sigraði í kosningum SHÍ

Röskva sigraði í kosningum til stúdentaráðs sem fram fóru í Háskóla Íslands í gær og í fyrradag. Röskva fékk 1692 atkvæði eða 50,09% en Vaka fékk 1686 atkvæði eða 49,91%. Auðir seðlar voru 78 og ógildir 8. Úrslit í háskólaráði urðu þannig að Vaka fékk 1677 atkvæði en Röskva fékk 1683. Auðir seðlar voru 61 og ógildir 7. Hvor fylking fær því einn mann kjörinn í Háskólaráð, en Röskva fær fimm menn kjörna í Stúdentaráð og heldur meirihluta sínum en Vaka fær fjóra. Alls kusu 3446 eða 34,64%. Kjörsókn var eilítið undir meðallagi að sögn kjörstjórnar.