Getur fengið kjólföt og ermahnappa með íslenska fánanum

Grétar Mar Jónsson, þingmaður Frjálslynda flokksins, getur fengið kjölföt leigð á 5900 krónur í Herrafataverzlun Kormáks og Skjaldar. Vísir greindi frá því fyrr í dag að Grétar Mar getur fengið föt leigð á 9900 krónur hjá Brúðarkjólaleigu Katrínar.

DV greindi frá því í dag að Grétar Mar hygðist ekki vera viðstaddur innsetningu Ólafs Ragnars Grímssonar, forseta Íslands, í embætti á morgun vegna þess að karlmönnum væri gert að klæðast kjólfötum við athöfnina.

Þeir sem hafa fengið boð um að vera viðstaddir embættistökuna en eiga ekki kjólföt hafa kost á því að leigja þau.

,,Þið getið sagt Grétari félaga okkar í Frjálslyndaflokknum að Kjólfötin í Herrafataverzlun Kormáks og Skjaldar eru ennþá ódýrari í leigu, fyrst að kreppan er að fara svona illa með hann," segir Guðmundur Jörundsson hjá herrafataversluninni og bætir við: ,,Við gætum meira að segja skellt með mjög svo viðeigandi ermahnöppum með íslenska fánanum.