Býður mömmu í mat á afmælisdaginn

„Ég fæ mömmu og systur mínar tvær í mat í kvöld. Þetta verður nett afmælisboð. Ég þykist elda eitthvað handa þeim en ætla að sækja eitthvað tilbúið," svarar Auðunn Blöndal þegar Vísir óskar honum til hamingju með 28 ára afmælið og spyr út í veisluhöld af því tilefni.

Leikur í nýrri gamanþáttaröð

„Þetta eru grínþættir sem Silja Hauksdóttir leikstýrir. Þeir gerast inná gamalli skrifstofu. Þar fer mest allt fram en eitthvað er líka tekið út í bæ," svarar Auðunn aðspurður út í þættina Ríkið sem hefja göngu sína um miðjan ágúst á Stöð 2.

Hvern leikur þú í þáttunum? „Ég leik mann sem er algjört fífl. Ég á full auðvelt með að leika fífl. Það virðist bara vera allt of létt fyrir mig," svarar Auðunn kíminn.