Jenna Jameson ólétt

Sögur herma að klámstjarnan fyrrverandi Jenna Jameson gangi nú með fyrsta barn sitt og kærastans Tito Ortiz. Jameson er sögð í skýjunum yfir því að vera að stofna fjölskyldu, og hyggst einbeita sér alfarið að barninu frekar en frægð og frama. Heimildamenn New York Post segja að hún hafi til að mynda átt bókaða fjölda funda á tískuvikunni í New York í haust, en hafi aflýst þeim öllum þegar hún komst að óléttunni.

Jenna hefur ekki farið lágt með löngun sína til að eignast börn. Fyrr í ár sagði hún í fjölmiðlum vestanhafs að henni lægi ekkert á að giftast kærastanum, en þau myndu hinsvegar snúa sér þegar í stað að því að fjölga mannkyninu.