Saman þrátt fyrir framhjáhaldsásakanir

Tímaritið US Magazine sagði frá því að Matthew Broderick eiginmaður leikkonunnar Söruh Jessicu Parker, sem er þekktust fyrir hlutverk sitt sem Carrie Bradshaw í þáttunum Beðmál í borginni, hafi haldið framhjá henni á meðan hún vann við upptökur.

Viðhaldið mun vera 25 ára gömul rauðhærð stúlka sem starfar sem unglingaráðgjafi.

Tímaritið segir að Borderick, 46 ára, hafi hitt stúlkuna sem er næstum helmingi yngri en hann þegar Jessica, sem er 43 ára, vann við upptökur á kvikmyndinni Sex and the City.  Hittust þau á bar og fljótlega hófust miklar sms-sendingar þeirra á milli. Vinur stúlkunnar segir mikinn hita vera á milli hennar og hins harðgifta leikara.

Eins og myndirnar sýna héldu hjónin, sem hafa verið gift í 11 ár, þétt utan um hvort annað og brostu til ljósmyndaranna sem biðu þeirra þegar þau yfirgáfu veitingahús í New York í gærkvöldi.